مسعد فتوة البريد المصرى مشى يا جدعااان واتكسرت وراااه ميه قله

خلاص يا جدعان يا بوسطجية البريد المصرى ... العم مسعد عبد الغنى رئيس هيئة البريد مشى فى ستين الف سلامه وكل الموظفين الشقيانيين فاكرينه بالخير .... عشان كداا لما أعلنوا أنه هيمشى كسروا وراه 100 قوله بلدى من اللى بيتباعوا فى سوق الاتنين او التلات او الاربع .... بس قلل من النوع اللى مبيسقعش الميه .... عشان المعلم مسعد ميستحقش القلل اللى بتسقع الميه ..... !!!!
أحسن حااجة أننا نرميه بالقلل اللى ريحتها مزرنخة ..... عشان هو ده اللى يستحقه المعلم مسعد ابو السعد اللى كان دايما فاتح زرايير قميصه وعايش دور الفتوه الصايع اللى مش بيهمه حد .... ولما كان بيفتح زرايير قميصه كان قصده يبين شعر صدره للموظفين اللى فى البريد المصرى عشان ده لزوم التخويف والرعب ليهم عشان ميتكلموش ولا يطالبوش بحاجه ...... بصراحه الراجل معاه حق .... مهو هما طول عمرهم ميجوش ولا يختاشوش إلا من شعر صدر مسعد عبد الغنى فتوة البريد المصرى بعد الثوره اللى اتخلصنا فيها من كل الفتواات واللى طلعت برضه اصيع فتوه فى تاريخ البريد المصرى !!!!!!!!